Հայաստանի ՏԿԱԻՆ-ում, այսօր՝ օգոստոսի 1-ին, ժամը 02.20-ին ահազանգ է ստացվել, որ Արմավիրի մարզի Արմավիր - Էջմիածին ավտոճանապարհին տեղի է ունեցել ավտովթար. անհրաժեշտ է օգնություն:

Դեպքի վայր է մեկնել մեկ մարտական հաշվարկ:

Պարզվել է, որ Արմավիր - Էջմիածին ավտոճանապարհի 15-րդ կմ-ին Կ. Ղ.-ի վարած «ԳԱԶել» մակնիշի 32 ՏՕ 317 համարանիշի ավտոմեքենան դուրս է եկել ճանապարհի երթեւեկելի հատվածից եւ կողաշրջվել. տուժածներ չկան:

Հրշեջ-փրկարարները հոսանքազրկել են ավտոմեքենան եւ փակել գազի բալոնի փականը, իսկ ժամը 04.00-ին` ուղղել են ավտոմեքենան: