Ֆրանսիացի զբոսաշրջիկ Ադրիեն Վիսլն իր սմարթֆոնով ֆիքսել է սարսափելի պահը, երբ գետի վրայով անցնող կախովի կամուրջը փլուզվում է` իրեն ու դրա վրայով անցնող ևս 3 մարդու գցելով ջուրը։

Ինչպես նշում է The Daily Mail-ը, 4 զբոսաշրջիկները գետն են ընկել 8մ բարձրությունից։ Հայտնի է, որ միջադեպը տեղի է ունեցել Նոր Զելանդիայում` սեպտեմբերի 3-ին, սակայն դրա հեղինակն ուշագրավ տեսագրությունը միայն նոր է ներբեռնել համացանց։

Աղբյուրը մանրամասնում է, որ միջադեպի հետևանքով զբոսաշրջիկները ստացել են թեթև վնասվածքներ։