Ինչպես հայտնի է վերջին ժամանակները շեշտակիորեն մեծացել է ռուսական ռազմական ակտիվությունը Սիրիայում, մասնավորապես ռուսական ավիացիայի կոորդինացված գործողությունները Բաշար Ասադի բանակի հետ արդեն շոշափելի արդյունքներ են տալիս: Մասնավորապես Հալեպից հյուսիս-արևելքում գտնվող «Ադրբեջանական գումարտակ» անվամբ ադրբեջանական գումարտակը գրեթե ամբողջովին ոչնչացվեց երեկվա ռուսական կործանիչների կետային գնդագոծության արդյունքում: Այս գումարտակում էին հավաքվել Ադրբեջանից և Հյուսիսային Կովկասից եկած գրոհայինները, որոնք սերտորեն համագործակցում էին «Ջեբխաթ Ան-Նուսրա» ահաբեկչական խմբավորման հետ: Ըստ ռազմական փորձագետների, ռուսական ավիացիայի գործողությունների արդյունքում ոչնչացվել է 120-140 ահաբեկիչ: Այս գործողությունների արդյունքում Սիրիական բանակին հաջողվեց գրավել ան-Սաբլ քաղաքի հարավ-արևմտյան մասը: Ռազմական փորձագետները շեշտում են, որ ռուսական կործանիչների գործողությւունները անչափ էֆֆեկտիվ են եղել ի տարբերություն ամերիկյան և ֆրանսիական գործողությունների հետ համեմատելիս, ինչը պայմանավորված է այն հանգամանքով, որ ռուսներն իրենց գործողությունները կոորդինացնում են Բաշար Ասադի բանակի ցամաքային գործողությունների հետ: